მთვარის 24-ე დღეა. მთვარე ,,თხის რქის'' ზოდიაქოშია.

6.03-ის 3.20 ეთ.დან  7,03-ის 4.11 სთ.მდე მოქმედებს

სიმბოლური შესატყვისება:	თხის რქის მე-7 და მე-18 გრადუსები.
სიმბოლო:	დათვი, შივა.
მოქმედება:	მძიმე ნაბიჯები.
სახელწოდება:	მთა, დათვი, შივა.

მთვარე გადის გველმტარებლის თანავარსკვლავედს ზევიდან-ქვევით და თხის რქიდან გადადის მერწყულში. ეს არის ძველის ნგრევისა და ახლის შექმნის პერიოდი.

საყოფაცხოვრებო ზეგავლენა:

ცუდია მოგზაურობისთვის, უსაქმურობისთვის, დარდისთვის. კარგია ახალი საქმეების დასაწყებად, განსაკუთრებით სახლის მშენებლობისთვის. ბოსტანში მუშაობისთვის.

ეს დღე დაკავშირებულია მშენებლობასთან: შეიძლება სახლის შენება, საძირკვლის ჩაყრა, ტაძრის აგება. საერთოდ ფუნდამენტალური საძირკვლები შემდგომში იწყვევს რეზერვების აქტიურ გამოყენებას.

ძველ ეგვიპტეში პირამიდების ფუნდამენტების ჩაყრა ზუსტად ამ დღეს ხდებოდა.

ამ დღეს “დათვი” სჯის მოძალადეებსა და სადისტებს.

მისტიური ზეგავლენა:

ძალების გამოღვიძების დღეა, ძალიან ძლიერი დღეა. ასრულებენ მძიმე სამუშაოს, სავარჯიშოებს. შეიძლება საკუთარი ტაძრის მშენებლობის დაწყება.

დღე დაკავშირებულია ბუნების ძალების გამოღვიძებასთან. ადამიანს შეიძლება ექნეს ხილვა ან მასში ხდება უდიდესი ძალის გამოღვიძება. თუ მან არ იცის როგორ გამოიყენოს ის, შემდგომში პასუხი მოეთხოვება. რეალიზდება საგვარეულო წყევლა.

სოციალური ზეგავლენა:

კეთილი დღეა, თუმცა არც მთლად კარგი. საუბრისას არ გამოიყენოთ ზეწოლა მოსაუბრეზე, აგრეთვე უკუნაჩვენებია უხეში ხუმრობა და ცინიზმი.

სამედიცინო თვალსაზრისით:

ამ დღეს ხშირად გამოჯანსაღება მოაქვს. შესაძლოა მოგვცეს ძნელადგანკურნებადი მძიმე დაავადებებიც.

ფიზიკური ბუნების დამორჩილების დღეა. შეიძლება მომზადდეს წამლები. კარგია ძალისმიერი ფიზიკური სავარჯიშოები. იოგა. საკეთილდღეოა სექსუალური ენერგიის გამოსაღვიძებლად. ეს დღე ყველა ნაყოფიერების ღმერთის კულტის დღეა, შეერთების დღე, ჩასახვის დღე, მაგრამ ბოროტად არ უნდა გამოიყენოთ სექსუალური პრაქტიკები, თორემ პრობლემებს ვერ მოთვლით. ეს დღე საკუთარი ორგანიზმის გასამაგრებლად და სულიერი დონის ასამაღლებლად უნდა გამოიყენოთ.

ამ დღეს დაბადებული ადამიანები:

ძლიერები არიან. ხშირად დაფიქრებულები, “არაამქვეყნიურები”. სხვადასხვა სფეროში თანდაყოლილი ტალანტით.

ზეგავლენა ჩასახვაზე:

მორალურად სუფთა და მოხერხებულები, დიდი ძალის პატრონები, მოუხეშავი, კეთილი და ჭკვიანები იქნებიან. კარგი მადა, გარშემომყოფთა სიყვარული ექნებათ, თუმცა შესაძლოა ხანგრძლივი დაავადებები ჰქონდეთ. დაიცავით თქვენი ბავშვი სიზარმაცისგან. 

მედიტაცია:

დიდი ნაგებობები, ბუნება.

მთვარე გაივლის ,,თხის რქის'' ზოდიაქოს 6 მარტის 4.12 სთ.დან 8 მარტის 7.01 სთ.მდე.

წარმატებული პერიოდია კუროს და ქალწულის ნიშნით დაბადებულებისათვის. შედარებით ზომიერი, მაგრამ წარმატებული დღეებია თევზების და მორიელის ნიშნებისათვის. საქმიანი, მაგრამ შედარებით გაურკვევლობის ელფერი დაჰკრავს საქმეში და ურთიერთობებში , თან სუსტი ჯანმრთელობის დღეები ექნებათ ტყუპების და ლომის ზოდიაქოს ნიშნით დაბადებულებს.

კრიტიკულია აღნიშნული პერიოდი ვერძის და სასწორის ნიშნებისათვის

აგრეთვე, მოსალოდნელია (4 მარტს ვენერა იუპიტერის კვადრატურა, ნეგატიური განლაგება), სქმეში დაბრკოლება, კონფლიქტური სიტუაციები საზოგადოებაში, ულტიმატუმის ენით საუბარი მოლაპარაკებებში. აგრეთვე , მოიმატებს ჯანმრთელობის გაუარესების 2-3 დღიანი ტალღა. საყურადღებოა, ამინდის გაუარესება, ციკლონის განვითარება, რაც 3-4 დღის შემდეგ, პლანეტარული უარყოფითი განლაგებების განეიტრალების შემდეგ,  გამოსწორდება.

ამასთან ერთად, მერკურის მზესთან შეერთება შექმნის ილუზიას, თითქოს საქმე წინ მიდის, მაგრამ, შემდგომში აღმოჩნდება, რომ ეს დგეები 4-7 მარტი მაინც ჩაითვლება კრიტიკულად.(რეტროგრადული მერკურის ,,უკუსვლით'' მზესთან შეერთება პირიქით, უახლოეს დღეებში, შესაზლოა გამოიწვევს ,,სალდათებზე თავდასხმებს'' , ეს ეხება მსოფლიოს საერთოდ, რაც, ასეთი განლაგების დროს ჩინურ უძველეს ასტროლოგიურ ტექსტებშია აღწერილი).
აღნიშნული პლანეტარული ზემოქმედება შესუსტდება 7 მარტისათვის და 8 მარტისათვის ჩაითვლება მოხსნილად, რაც საზოგადოების საერთო სიმშვიდეს გამოიწვევს; აგრეთვე კლიმატის ჭირვეულობაც გადაივლის. ჯანმრთელობის გაუარესება, რომელიც ამ დღეებში სტატისტიკურად მომატებულია, შემცირდება და 7-8 მარტიდან ზოგადად გამოჯანმრთელების დღეები დაიწყება.
მაგრამ, არ დაგვაციწყდეს, რომ 11 მარტის 6.41 სთ.ზე ახალი მთვარის პერიოდია, რაც, თავისთავად ისევ რთული გეომაგნითურობის გამომწვევია.

 ამ დღეებში საზოგადოების ზოგად  განწყობას ვერ ვუწოდებდი გაწონასწორებულს და თავშეკავებულს. საჭიროა თავი შევიკავოთ ყოველგვარი კონფლიქტებისა და პროვოკაციებისაგან. 

გისურვებთ წინსვლას და ბედნიერებას.
 ყოველთვის გვახსოვდეს უძველესი გამოთქმა ასტროლოგიის შესახებ: ,,ვარსკვლავები გვიბიძგებენ, მაგრამ არ გვაიძულებენ''.

პატივისცემით ასტროლოგი ბესო ბეციაშვილი.

მობ: 5 93 215274

Facebook: beso beciashvili

Skype: astrokonsultant

www.astrokonsultant.blogspot.com