29 ივნისის ასტროლოგიური პროგნოზი, 2022 წელი.

 

მთვარის 1-ლი დღე

ახალმთვარეობა 29.06-ის 6:51 სთ.დან 

 

სიმბოლური შესატყვისება:	ვერძის 1-ლი და 12-ე გრადუსები
სიმბოლო:	მანათობელი, ლამპარი, შუქი.
მოქმედება:	აზრი.
სახელწოდება:	მანათობელი, სხივი.

 

შემოქმედებითი ჩანაფიქრების დღეა. არავითარი საქმის დაწყება არ შეიძლება, მხოლოდ მათი დაგეგმვა ხდება. ის, რასაც ამ დღეს დაგეგმავთ, შემდგომში განხორციელდება და ამასთან თქვენი ჩარევის გარეშეც. ეს როგორც ცნობილია მაგიური დღეა, როდესაც შესაძლოა შექმნათ წარმოსახვითი სახეები, მენტალური ფორმები ცნობიერებაში, რომლებიც შემდგომ განხორციელდებიან. მთვარის 1-ლ დღეს ფიქრი “არა საჭიროზე”, ძალზე წინდაუხედავი საქციელია, რადგან ჩვენ შეგვიძლია შევქმნათ რეალიები, რომლებმაც შემდგომ უბედურება მოგვიტანონ.

ეს ძალიან სუფთა დღეა.

საყოფაცხოვრებო ზეგავლენა:

ნეიტრალური დღეა. ცუდია მოგზაურობისთვის, ვაჭრობისთვის.

მისტიური ზეგავლენა:

აზრის ფორმები და სახეები შექმნილი მთვარის ამ დღეს, საკმაოდ მყარია  და ქმნიან შეუსუსტებელი მოქმედების მიზანსწრაფულობას. ჩანაფიქრებისა და გეგმების დღეა.

სოციალური ზეგავლენა:

სუსტად უარყოფითია. არ ითანამშრომლოთ პარტნიორთან, ნუ მოიწადინებთ კონტაქტებს, ურთიერთობებს. სერიოზულ საქმეებს ნუ დაიწყებთ, მიმდინარე კი უკეთესია გადადოთ.

სამედიცინო თვალსაზრისით:

ამ დღეს არ უნდა გადაიტვირთოთ. არ მიიღოთ ალკოჰოლი, ნუ შეჭამთ ცხარე და ძალიან  ცხელ საჭმელს. დაავადებები ხანგრძლივია, მაგრამ ავადმყოფი გამოკეთდება. ხშირად რთულდება დაავადებები, რომლებიც დაკავშირებულია ორგანიზმში ქვების წარმოშობასთან, შეკრულობასთან. გამწვავდება კლაუსტროფობია.

ამ დღეს დაბადებული ადამიანები:

სულ რაღაც დიდის მოლოდინში არიან. მათ შეიძლება ასე ელოდონ სიცოცხლის ბოლომდე და წარმატებას ვერც მიაღწიონ. ზოგჯერ მათ რაღაც ზებუნებრივი ძალა უბიძგებს და ისინი გმირობას ჩადიან.

ზეგავლენა ჩასახვაზე:

ამ დღეს ჩასახულ ბავშვს ზეცა მფარველობს. მისთვის დამახასიათებელია ძლიერი ნებისყოფა, ხანგრძლივი და საინტერესო სიცოცხლე. ბიჭი შესაძლოა სასულიერო პირი გამოვიდეს, მაგრამ ამ დღეს ჩასახვისთვის საჭიროა შეემზადოთ ხანგრძლივი მარხვით. ფიზიოლოგიურად მძიმე დღეა. შინაგან ორგანოებს ამჭიდროვებს. თუ არ დაიცავთ რეკომენდაციებს, ენერგიის გადატყორცნა მოხდება შინაგან ორგანოებზე, რამაც შესაძლოა გამოიწვიოს ორგანიზმში ქვების წარმოქმნა. სანამ დაავადებები არ არის, არ უნდა მივცეთ მათ წარმოქმნისა და განვითარების საშუალება.

მედიტაცია:

სანთელი.

მთვარე იმყოფება  ,,კირჩხიბის''  ზოდიაქოში        28.06-ის 15:54 სთ.დან 1.07-ის 4:40 სთ.მდე.

აღნიშნული პერიოდი დადებითია, პირველ რიგში, მორიელის და ტევზების  ნიშნით   დაბადებულებისთვის.

ზომიერი წარმატება ექნებათ  ქალწულის და კუროს ზოდიაქოს . 

 საქმეში წარმატება, მაგრამ შესაძლო სუსტი ჯანმრთელობა ექნებათ  მშვილდოსნის და   მერწყულის  ნიშნებს.

კირჩხიბის და თხის რქის ზოდიაქოსთვის მოსალოდნელია ხელმძღვანელობასთან, კოლეგებთან და ახლობლებთან დაპირისპირება, მაგრამ შემდგომ,  ამ ორი დღის ბოლო მონაკვეთში, მათთანაც დაფიქსირდება დადებითი სიტუაციები.

ტყუპების ზოდიაქოს ნიშნისთვის აღნიშნული დროის მონაკვეთი ზომიერად დადებითია.

 გაუმართლებლობა, საქმეში ,,ჩაკეტილობის'' შეგრძნება ექნება ლომის ზოდიაქოს ნიშანს.

კრიტიკულია ეს პერიოდი  სასწორის და  ვერძის ზოდიაქოსთვის.

დღის პროგნოზი: 29 ივნისს 6:51 სთ.ზე ახალმთვარეობაა. თავისთავად, რთული დღე იქნება. საჭიროა, ნაკლები ვიაქტიუროთ და 1 ივლისის მთვარის მე-3 დღეს გადავდოთ მნიშვნელოვანი წამოწყებები, როდესაც დასავლეთით, მზის ჩასვვლის შემდეგ გამოჩნდება პირველად ნამგალა მთვარე.

  

პატივისცემით ასტროლოგი ბესო ბეციაშვილი

მობ: 593215274  (Viber)

facebook: beso beciashvili